بعدما ظهرت النجمة نيكول سابا بفيديو جديد على “إنستغرام” بإطلالة عفوية وعلى طبيعتها من دون “مكياج” ولا شعر مسرّح، تلقّت مجموعة من الإنتقادات التي هاجمتها بسبب هذه الإطلالة العفوية التي لا تدلّ إلا على أنها امرأة واثقة ومتصالحة مع نفسها.
إلا أن سابا وجّهت ردّاً قاسياً وحازماً إلى منتقديها ومهاجميها، فنشرت صورة من الإطلالة نفسها. وعلّقت عليها بهذه الرسالة: “هالرسالة لبعض يلي ما بيفهموا مش للكل وما عم عمّم:
يعني اذا هيك وشفتوني ساحرة على انو شعري بدو تزبيط على شمطاء على ما بعرف شو بلا بلا… يبقى اسمحولي قلكن انكن بلا نظر الموضوع ببساطة انتو تعودتو على الاشكال المصفصفة وميت اكستنشن على عشرين كيلو رموش على ١٥ كيلو بويا وميك اب والف فيلتر!! انو بلا ميك اب ما بيعجب وبلا مساوى شعر ما بيعجب ما فالحين الا بالانتقاد عالرايح والجايي!! ايه ارتاحو انا مبسوطة بحالي وشايفة حالي وما مصدقها عالقليلة انا ع طبيعتي وهيك رح ضل!!”.
وأضافت: “بعدين يا اذكياء اذا الواحد قاعد ب حجر منزلي مينيموم يكون على طبيعتو ومش مصفصف ب بيتو!! فهمتوا ولا بعد يا مذوقين انتو! تعلمو الذوق وبعدين علقوا لانو انا لما كنت اعرف فيه كنتو انتو بعدكن عم تتعلمو تقروا شو معنى الكلمة!! وهاي الصورة عن جديد رح حطها وبذات اللوك لانو كتير بحبها، وصلت؟”.