من تحت الأرزه إيه من هون
البطرك قلّن نحنا مين
نحنا شويّه شويّ بهالكون
عبّينا الدنيي قدّيسين

يا دويهي انت عملت الفرق
قلبك عطيتو للينبوع
علي كاسك عا كل الشرق
عالشرق تا يشرق يسوع

الله بيحبّو لَ هالشعب
نَيَّم ملفَّك ما تخلّى
ولمّا إجانا الوقت الصعب
كرّمنا بتطويبك الله

بالوادي المقدس عطرك
لا بينمحي لا بينتسى
والعدرا بتعرف البطرك
اللّي سمّاها ست النسا

إهدن قوليلو لَ لبنان
تا يحكي لَ كلّ البَشَر
القنديل اللّي بالوادي كان
ضَوّو بِـ هالكون انتشر

يا دويهي عا مَرّ الزمن
بَيّو ل تاريخنا سمّوك
بعروقك بيمشي الوطن
كل الطوايف بيحبّوك
القداسه بكتابك درس
بزلغوطه وبـ سيف وترس
أرزتنا عملولا عرس
وبـ عرس الأرزه طوّبوك

أوپيريت “من تحت الأرزة”
للطوباوي البطريرك اسطفان الدويهي
كلمات نعمان الترس
الحان جهاد حدشيتي
غناء غسان صليبا
هادي خليل
ناجي الاسطا
جهاد حدشيتي
تسجيل وتوزيع استديو هادي شراره
ميكس وماستر ايلي بربر