<

►

>

أحيت جمعية “من قلب إيف” للسنة الثانية على التوالي إستعراضاً راقصاً في Jardin d’Eden حمينا- إهدن بمشاركة تلميذات مدارس تعليم الرقص في إهدن بإشراف المدربتين نادين جميل فنيانوس وروكسان جان فنيانوس وعاد ريع البطاقات دعماً لصندوق نشاطات الجمعية في التوعية والثقافة الصحية والرياضة.
الإحتفال المسائي الذي تضمن لوحات مميزة في فنون الرقص ومن مدارس مختلفة وحضره أولياء التلميذات من فئات عمرية عدة.
الإستعراض إستهلته رئيسة جمعية “من قلب إيف” ديانا فرنجيه الدويهي التي قالت:
“بلشنا سني جديدي من عمر غياب إيف والشوق عم بيكبر والنشاطات عم تكتر.
سني تانية موعدنا مع اللوحة الراقصة وفرحة الولاد اللي بتغلب أحزاننا وبتحول دمعوعنا اللي ما نشفت لندي.
بكل تابلو راقص بهالمسا صورة إيف ما بتنسى.
إيف اللي كان مغروم بالولاد عم يتطلع فيهن اليوم وطاير من الفرح بكل طفلي عم ترقص وتتمايل.
الولاد اللي رح ينقلولنا اليوم من صورة الطيور اللي عم ترقص من شدة الألم لفراشات ملوني عم بترقص بالأمل والشغف والحب.
جمعية من قلب إيف ولا ممكن تفرط بأي نشاط مهما كانت الظروف صعبي.
إيف كان طموح وجلود وما يسترخي ولا يتراجع.
كان يحب الحياة ويعيشها بكل لحظاتها.
سنة جديدي بلشنا من عمر الغياب وبعدو إيف بخيالو ومقالبو ونكتو ومزحاتو وهيصتو وعجقتو متلايين المطارح.
بعدن اللي بحبو أوفيا وإسمو ما بيفارق أفواهن.
بعدو صدى ضحكتو هون وهونيك.
بشكر كل اللي تعبو لإنجاح حفل الليلي.
أهالي الأولاد والمدربات ومدارس الرقص وكل الحضور.
الله يخليلكن زنابقكن البيضا الحلوي.
إيف زنبقة فرخت بالقلب تاصار كل القلب و… من قلب إيف.”