أشعار فولكلوريّة إكرامًا للبطريرك إسطفان الدويهي

تأليف الشاعر إنطانيوس أبو ملحم (ومراجعة ا. يوسف طنوس)

لوحة سيكاه

بو الزلوف

* هَيْهات يا بو الزلوفْ الدّْوَيهي يا عِينَيَّا              شَتِّي قَداسِهْ وْصَلا عَالدِّني وِارْوِيَا

– يا أرِضْ كِلّا صَلَا  رَاضِي عَنَّا رَبَّازَوَّدْ حَلاها حَلَا  وعَمْ تِضْحَكْ بْعِبَّا

بسنين ظلمْ وغلا  مارْإِسْطفانْ خَبَّا              تَ صارْ عِندْ المَلا حَالِهْ طُوبَاويَّهْ

– مِنْ عَتِمْ وادي.. قَمَرْ ضَوّى لَيالينا               وْبِالعِلِمْ طافْ وْغَمَرْ جَهْلْ انْزَرَعْ فِينا

بْسِلْطانْ رَبُّو كَسَرْ شوكِةْ أَعاديناوْقَمْحِ المَحَبِّهْ بَدَرْأَرْضْ البَشَرِيَّهْ

– مِنْ جَبَلْ عاصي بِنِيبِحْجَارْ إِيمَانو           لِلدِّينْ مُشْ لِلدِّنِي وْعَالصَّخِرْ بُنْيَانو

ما يَومْ راسو حِنِي قِدَّامْ مِينْ هَانو                 ضَلْ بْإِلهو غَنِي وْأَغْنَى المَسِيحِيَّهْ

– مِنْ فَوقْ حَدّْ السَما مِنْ شَهْقِةِ جْبَالو              مارْ إِسطفانوسْ سَمَا وْمَا تْشَوْفَنْ بْحَالو

وْمِنْ إِهدِنْ الْلَّيْها انْتَمى بابْ السَما طالو           وْمِنْ قَنُّوبينْ انْسَمَى أَبُو البَطِرْكِيَّهْ

مرمر زماني

* مَرْمَرْ زَماني يا زماني مَرْمَر                      مارْإِسطفانوسْ بِالقَداسِهْ مْنَوَّرْ

– حْدَعْشَرْ سِنِهْ عُمْرُو وَقِتْ مَا تْغَرَّبْحِمِلْ عغِمْرُو فِهْمِ شَيْخِ مْجَرَّبْ

طَوَّعْ لِأمْرُو عْلومِ روما وْسَرَّبْ              مَعُو اللي غَمْرُو عَالصَليبْ مْسَمَّرْ

– البَرْكِهْ بْيَمينُو والنِّعَمْ بِشْمَالو                   نَعِيمو دِينُو وِالدِّني بِشْمَالو

ما هَمُّو مِينُو  وَلا هَمُّو حَالو  هَمُّو عَرينُو  يْضَلِّ عاصي مْسَوَّرْ

– عِمْلِ العَجايِبْ بِإِسِمْ يَسُوعو                     وْهَدَّا الضَرايِبْ تَ البَشَرْ ما يْجُوعُو

يا ما قَرايِبْ سَرَّحُولو دْمُوعو                        ويا ما حَبَايِبْ عَذَّبُوهْ وِتْمَرْمَرْ

– ساعَهْ بِوَاديوساعَهْ بَيتُو مْغارهْ                    لَمَّا الأَعادي يِقْحَمُوهْ بِغارَهْ

صانْ المَبَاديوْحَصَّنِ الإِمَارَهْ                        بْصَوْمُ وْعِبادِهْلْقِدْرَه ما بْتِتْقَدَّرْ

– بِرُومَا عَرْضُوعْلَيهِ مَرْكَزْ عالي                   مَا هَمُّو رَفْضُو لِلْمَجِدْ مَا يْبَالي

 مْعَلَّقْ بِأَرضو  وْحُبِّ شَعْبو الغالي                 اللي مِتِلْ فَرْضُو كانِ عِنْدو وْأَكْتَرْ

عالروزانا

*  عالرّوزانا عالرّوزانا صَلا وحلا فيها             قَدَّسْ أرضِ الروزانا وضَوَّى لَيَالِيها

– مارِ اسْطفانوسْ شَعْشَعْ قْداسِهْ مِنْ قَنُّوبينْ          وْلَيَّنِ الصَّخْرْ القاسي ولِلشَّرْ ما كانْ يْلِينْ

قَلّو يسوعْ مِنْ كاسي وَزِّعْ عَالعِطشانينْ              وقَلْبْ الحَزانَى واسِي وْخَفِّفْ مآسيها

– يا رايِحِينْ عَ روما عِنَّا طوباوي جْديدْ بَعْدا بْتِشْهَدْلُو عْلُوما وْبَعدو بِبَالا عِيدْ

عندو لاهوتْ مارْ توماوعندو المَبْدا العَنيدْ           قْمارْ السَما وِنْجوما بْيِحْنِي بْأَعالِيها

– إِهْدِنْ مَقْلَعْ للدِّني وْمَنْبَعْ لِرْجالْ الدِّينْ             تاريخا الحَافِلْ غَنِي وْأَغْنَى المَسِيحيّينْ

بْطَارِكْ، رِهْبَانُ وْكَهْنِهْ راهباتْ وْبَحْرِ مْطارينْ        وْأَبْطالا ما بْتِنْحِنِي إِلّا لِلْبَاريها

– نقّاهُ الآبْ وِاخْتَارو الإِبِنْ وِاحْتَلُّو الرُوحْ           وِالعَدْرا كانِتْ مَعُو رْفِيقَهْ مَطْرَحْ مَا يْرُوحْ

مْنِ جْروحِ الفادي قَلْبُو هُوِّي مِلْيَانْ جْرُوحْ           وِجْرُوحِ النَاسِ الصَّعْبِهْ يْصَلِّي تَ يِشْفِيها

 

على الْمَانِي

* عَلَى الْمَانِي عَالْمَانِيقَالْ الْحَبْرِ الرُّومَانِي          البَطْرَكْ مارْإسِطفانوسْصارْ طُوباوّي لِبناني

– عِنَّا عَجْقَةْ قَدِّيسِينَمِّن بَقَاعْكَفْرَا وَمِنْ حَرْدِينَ وَمِنْ حِمْلايَا وقَنُّوبِينْ هَلْقَ دَوْرِ الْهِدْنَانِي

– بقوِّة أَللّهْ.. بِالطِينِهْ شِفي الأَعْمَى، عَالْهِينِهْ        وَيَبَّسْ بِأَيْطُو التِّينِهْوْسِقي الأرضْ العِطْشَانِهْ

– شَتَّى الدِّنِي بْبِكْفْيّا وْهَدّا الرِّيحْ بِإِنْطِلْيَاسْ           وْبِحْبالِ الشَمْسِ تْفَيَّا وِتْعَذَّبْ كِرْمَالْالنَّاسْ

– النَّارِ الْهَوْجَا يْطَفِّيَّاوْمَا فِي مَرَّه نُورُو نَاسْ         كِلْمِةْأَللّهْ يِحْكِيَاوْإِيدُو تِزْهِرْ قِرْبَانِهْ

– قَرَّرْ يِمْشِي الدَرْبْ طْلُوْعْ الدّرْبْ الْمَا فيها وْلا كُوعْ // هَمُّو يِتْلاقَى بْيَسوعْ   تَيْوَصِّلُّو الأَمانِهْ

– شِفْتْ الْمَاني الهِدناني  بْبَدْلِهْ لَونا مِرْجاني // يْصَلِّي، يْصُومْ وْيِدْعِي النَّاسْ/ يْطِيعو الأَمْرْ الرِبّانِي

موشَّح بلدي

* يا خَالِقْنا بارِكْنا وبارِكْ لِبْنانْ                    وْقَدِّسْنا بِبَطْرَكْنا  مَارْ إِسِطْفانْ

– بْعَهْدْ الظُلمْ العِثْماني  بْإِيَّامْ الوَيْل                مَشُّونا عَالعِمْياني والدِّنيي لَيْلْ

وْإِلّا واصِلْ هِدْنَانيمُشْ سَارِجْ خَيْل                  سْلاحو شْحِيمِهْ سِرْياني وقُونِهْ وْصِلْبانْ

– مْنارِةْ عِلْمْ كْتاباتو مْنارِةْ أَقْداسْ            وْأَصْلْ المِلِّهْ وْوَعْظاتُو وْشَرْحْ القِدّاسْ

وِتْواريخو وْصَلْواتُو وْرَسْماتْ الكاسْ                 وِنْوافيرو وْرِتْباتُو  وسِرّْ القِرْبانْ

– بِالحارَه الفُوقانِيِّهْ  الْفِيها تْرَبَّى                    قَبْوِهْ زْغِيرِه وْعِلِّيِّهْ  ضَلِّ يْحِبَّا

والْعِزِّهْ الإِلهيِّهْ  الْصَوْتَا لبَّى                        خَلِّتْ إهْدِنْ مِحْمِيِّهْ  وْمَجْدَا مِنْصانْ

– مَرْبى أرزُ وشربينُ وْشُوحُوْلِزّابْ                  وْشَمْخِةْ نِسْرُ وْشاهينُ وْباشِقْ وِعْقابْ

وْقُوِّةْ سَبْعْ بْعَرينْ مْحَصَّنْ مِنْهابْ                   بِقْداسِةْ قَنُّوبينُ وْصَلا الرِهْبانْ

– يا قِيمهْ إِنْسانِيّهْ وإنسانْ كْبيرْ                    يا سِيرِهْ كَهْنوتِيّهْما بَقى تْصيرْ

حَياتَكْ طُوباويّهْعِشْتا بَكّيرْ                         وْعَصَدْرِ البَطِرْكِيّهْصِرْتِ النِّيشانْ

 

يا غْزيِّلْ

* يا غْزيِّلْ يا يا بو العِبادَرْبْ السَما قَرِّبَا            دِقْتْ وْقِلِتْ القِرْبَانِه  دُوقُوها مَا أطْيَبا

– يا غْزَيِّلْ غَزْلِهْ وغزْلِهْ بِالطَلْعَهْ مُشْ بِالنَزْلِهْ         أكَّدْتِ جْهنِّمْ عِزْلِهْ والسّمَا ما أرْحَبَا

– مْنِ العَدرا طْلَبتِ النَجْدِهْ  وِالعَدْرَا عَوْنَا بْيِجْدي     اللِّي تْلاتينْ أَلِفْ سَجْدِهْتِسْجِدلا وهِي تِحْسِبا

– بالإيمانْ اللّي فيناطِلْ عْلَينا وْحاكِينا              بْنِعمِة أللهْ لاقينا وْخَلّي البَرْكِهْ مَرْحَبَا

– مْنِ كْنيسِهْ لْمَارِتْ مُورَهْتَلَّيْتْ الأرضِ دْيورهْ أعْمالَكْ بِالمَعمورَهْ  قِصِّةْ مَجْدْ مْنِكتِبا

***

لوحة بياتي

عتابا وميجانا

يا بَطْرَكْ الإيمانْ تِطويبَكْ دِنِي              يا اللي ما كِنْتْ بهالدِّني مَرَّه دَنِي

لا المَجْدْ هَمَّكْ لا المَالْ وْلا الدِّني                  كِلِّ اللِّي هَمَّكْ مَجْدْ كِرْسِةْ رَبِّنا

                                      كِلِّ اللِّي هَمَّكْ مَجْدْ إِسْمْ رَبِّنا

– في عِنْدَكْ ناسْ شي مْعَمَّدْ شي هادي                 الدُوَيهيبِالحَقّْ ما بَدُّو شِهادِهْ

شَهَدْ لِلدِّينْ وِتْمَنَّى الشِهَادِهْلِأَنُّو الرَبّْفاتِحْلْنا الْبَابْ

                           بْعِلْمْ وْقَداسِهْ مارْ إِسْطِفانْزادِنَا

– لَومَا القُرْبْ مِنَّكْ ما عْلِينا                              بْصَلاتَكْ اللّيبْعَاد مِنَّا جْمَاعْ لَيْنَا

لأَنَّك بَيّْنا بْتِفْزَعْ عْلَينا                                    كِنْتْ لِلمَوتْ ما تِعْمِلْ حْسابْ

                           كِلِّ اللِّي هَمَّكْ مَجْدْ إِسْمْ رَبِّنا

– یا دِنْيِي عَافْ بَطْرَكْنَا بَطَرْكِي                          وْشِهِدْ لِلحَقّْ مِنْ مَرْكَزْ بَطِرْكِي

لا تِغْري سَيْفْ مَا صَدَّى بِطُرّْكِي                          ما هَمُّو مَجْدْ مِبْنِي عَالتْرابْ

                            بْعِلْمْ وْقَداسِهْ مارْ إِسْطِفانْ زادِنَا

– عَ دَرْبُو مْشِيتْ.! دَعْساتَكْ تَبِعْنَا                        اتَّكَلْنَا عْلَيكْ وِلْقِينَا تِبَعْنَا

نَدَرْتْ تْكُونْ لِلْعَدرا.. تَبِعْنَا                                الدِّنِي.. وْمَا هَمْنا كِتْرْ الصِعَابْ

                                      كِلِّ اللِّي هَمَّكْ مَجْدْ إِسْمْ رَبِّنا

 

يَا حْنَيِّنَا

* يا حْنَيِّنَا، يَا حْنَيِّنَا وَيَا حْنَيِّنَا                            لِحْقِ الْقَدَاسِهْ وَبَعْدُو بَيْتُو بْحَيِّنَا

– بَيْتُو قَنَاطِرْ قَبْوهِ مَعْقُودِهْ بْحَجَرْ                         والطقسِ ماطِرْ وِالصَلا فيهِ المَطَرْ

مَوعودِ ناطِرْ وِالزَمَنْ ما بْيِنَّطَرْ                     وِالطَيفِ خاطِرْ وِالقَداسِهْ مْعَيِّنَهْ

– قَلْبُو دَلِيلُو والسَما رَمْيِةْ حَجَرْ                           والرُّوحْ وِحِيلُو بِالرئاسِهْ وِالكِبَرْ

وْهُوِّي شِكِيلومِنْ ظُلُمْ طالِ البَشَرْ                          وْضَلْمْقابِيلووِالنَتيجِهْ مْبَيِّنَهْ

– يا ربِّ عَطفَكْ وِالدويهي كرِّرُو                         وْصُونُو بِلُطْفَكْوِبْعِنَايِهْ سَيِّرُو

ولا تْغُضِ طَرْفَكْعَنْ وَطَنَّا سَهِّرُو                           وِغْلالِ قَطْفَكْ بِالدويهي زَيِّنَا

عالزينو

* هالزَينُو الزَينُو الزَينُو/ الْعَسَّمَا ضَرَبْ عَيْنُو تْعَبَّدْ لِلْعَدرا وْصَلَّى/ بِنِدْرُو الْ بَيْنَا وْبَيْنُو

– تْعَبَّدْ لِلْعَدْرا وْصَلَّى/ وْقَلّا كِلّْ شِي بِيِنْقَلَّا          مَاتْ وْعَنْها مَا تْخَلَّى/ وْمَا تْخَلِّتْ تِسْأَلْ وَيْنُو

– قَلَّا يا عَدْرا بْهَمْسِهْ / مِنِّكْ مَا بِتْغيبْ شَمْسِي      وْعَالخَمِسْ وَزْنَاتْ خَمْسِهْ/ قِدَّامَا سَدَّدْ دَيْنُو

– قَلَّا يا عَدْرا وْلادي / وْشَعْبي وْأَرْزاتِ بْلادي       كُونِي مَعْهُنْ، بِزيَادِهْ / الأَمْرْ بْإِيدِكْ تِلْتَينُو

– نَامْ وْوِعْيِتْ صَلْواتو/ عَسَقْسَقِةْ دَمْعَاتُو            وْمَا تَرْكُو يَسوعْ، ذاتُو/  يْضَلّْ بْفَتْحِةْ غِمْرَيْنو

عاليادي

* عَاليَادي اليَادي اليَادي /  يا بُو البَطِرْكِيَّهْ         يا بادِرْ أَرْضْ بْلادي/  بْدارِ الرَهْبَانَيَّهْ

– لْقِيْتْ بْجِبْرايِلْ حَوَّا / وْعَبْدَ اللهْ قَرَأْلِي              وْيُوسِفِ اْلْبِتْنِّ الدَّوا/ تْلاتِهْ حِمْلُو التِّقْلِهْ

وْجِرمانُوسْ فَرحاتْ، غِوا/ بْدَورُو إِخِدْ شَقْلِهْ          وْعَإِيدَكْ كِلُّنْ سَوا / نَدْرُوا البَتُولِيَّهْ

– بِزْمَانْ نُورُو اخْتَفَى /  شَعْشَعْ بْعِلْماتُو            وِسْراجْ عَيْنُو انْطَفا /  وِالْتَجَا لْرِفْقَاتُو

يِقْرولوا وْهَيْكْ اكْتَفَى…/ لْمَرْيَمْ نَدَرْ ذاتو            وْقَلَّا يا عَدْرا، الشِّفَا / ازْرَعِيهْ بِعِينَيَّا

– مِنْ إِهدِنْ جَنِّةْ عَدَنْ / مِنْ أَرضْ القَداسِهْ         سَابَقْتْ بْرُومَا الزَّمَنْ /بِعِلْمُ وْقَداسِهْ

 وِرْجِعْتْ لْأَرْضْ الوَطَنْ / مِتْفَجِّرْ حَمَاسِهْ           وْحِبَّيْتْ تِدْفَعْ تَمَنْ/  لْمَجْدْ المَسِيحِيَّهْ

– حْمِلْتِ الصَليبْ وْمَعُو / دَعْسَاتُو تِمْشِيها         وِينَادِيلَكْ تِسمَعُو/ وِالعَدْرا تْحَاكِيها

 وْلَمَّا جْرُوحَكْ تْوَجَّعُوا/ مَرْيَمْ تْداويها                وِالخَيْطْ ما تِقْطَعُو/ غَيْرْ مَا تْقِلَّكْ هِيَّا

– وِالنَّارْ الهَوجَا أَمَرْ / بِالحَالْ وطفيها              وْعَالأَرْضْ شَحّْ المَطَرْ/ صَلَّا تِسْقِيها

 وْإِيَّامْ كانْ الخَطَرْ / عَبْلادْنا وْفِيها                 عَالنَّاسْ مِتْلْ القَمَرْ / كانْ يِضْوِي لَيْلِيَّا

– بِبْلادْ شَعْبَا انْظَلَمْ / كِرْمالْالمَبَادي         وِانْسَاقْ مِتْلْ الغَنَمْ / عَ دَعْساتْ الفادي

 عَالسَيْفْ رِفْقِ القَلَمْ../ وِبْعَتْمِةِ الوادي       نُورْ الَقداسِهْ هَزَمْ / عَتْمْ الجَاهِلِيَّا

مْعَنّى

– إِبْنِحْدَعِشْ وِانْقالِ إِنُّو الوَلْدَنِي                    عَاشا مِتِلْ سِلطانِ أَكْبَرْ سَلْطَنِهْ

بِعَيْنِ روما وْمَجْدِها بَيَّنِ أَمِيرْ                      أَوَّلْ طْلوعو طِلِعْ حامِلْ مَلْفَنِهْ

– انصاب بْعَمى مِنْ كِتِرْ ما ليالي دَرَسْ            وْعَلَّق عيونو عالكتب مثل الحَرَسْ

قلّا يا عدرا لمجد إبنك هالعَمَى                    صَحِّتْ عيونو وبالشرق دّقْ الجرس

– بالشوف لما القمح عالبيدر مَحَلْ                بارك وزادو وموسم القلّه رَحَلْ

صحح صبي.. شتّى الدني.. وَقَفْ بَرَد…          هدّى صخر فلتان من راس الجبل

– عَرْضو بِرُومَا عليه مركز جامعي               قَلُّن ما بِدّي بالوعي واللّاوعي

بدّي عَ إهدن إِرجع.. وْلاد المسيح                  هونيك.. لازم عيش ويعيشو معي

عالندّا (أو جينا عالصافصافيّه)

* ما حَدا مِتْلا وْقَدَّا / مِلِّه ما عَادْ تتهدّا            زادِتْها بِالقِدِّيسِينْ / وْوِصْلِتْ مَطْرَحْ مَا بَدَّا

– زادِتْهَا بِالقِدِّيسِينْ / مِنْ حِمْلايا وْمِنْ حَرْدِينْ       وِبْقاعْكفرا.. وقَنُّوبينْ / إِهْدِنْ مِتْوَرِّدْ خَدَّا

– المَارُونِيِّهْ بْمَارْ مَارونْ / يا بِتْكُونْ يا ما بِتْكُونْ    المَوتى مِنْ زَيتِ المَيرونْ/ بْمَسْحَهْ زْغِيرِهْ بِتْرِدَّا

– يا الْجَايِي لِبْنَانْ تْزُورْ/ بْقَنُّوبينْ مْشَاعِلْ نُورْ      مِنْعِطْرا تْرَوَّقْ بَخُّورْ/ مِنْرُوحَا قْداسِهْ تْغَدَّى

– فِيها البَطْرَكْ إِسِطفانْ/ أَبو التَّاريخْ بْلِبْنانْ          الصَّخْرَهْ الصَّلْبِهْ بِالإِيمانْ / وْلا صَخْرَهْ بْتِطْلَعْ قَدَّا

– فِيها بْطارِكْ ومْطارينْ / وْكَهْنِهْ وْرِهبَانْ قِدِّيسِينْ    وْفِيها قاموا زْوايا الدِّينْ/  الْمَا فِي إِيدَينِ تْهِدَّا

قرّادي

* يْعِيشْ المَبْدا يْعِيشْ الدِّينْ/بْأَرْضْ انْزَرْعِتْ قِدِّيسِينْ  بَيْنْ جْرَبْتَا وْعِنَّايَا/وِكْفِرحَيْ وْقنُّوبِينْ

– يْعِيشْ المَبْدا وِالإِيمانْ/ بِالراهبَاتْ وبِالرِهبانْ وْبَعْدْ البَطرَكْإِسِطْفانْ/ نْقَدِّسْ كَهْنِهْ وِمْطارينْ

– بلادي يا بلادْ الأَبْطالْ/ مَجْدِكْ عالي وْما بْيِنْطالْزْرَعْتِبْحَقْلْ الدِّنْيِي رجالْ/وِغْمَرتِيها بْحَقلْ الدِّينْ

– مارْإِسْطِفانوسْ أَبُونْ / دْمِنْ كُهْنِا دْكَرْمُا دْمُرُونْ  لُخ مِنِهْ شْلُمُا لْكُولْخُونْ/ نُوهْرُنِهْ دْبِتْ قَنُّوبينْ

– يا رَبّْ تْزيدُنْ يا رَبّْ/ وْعَبَيْدَرْنا يْطوفْ الحَبّْ      وْلا تْخَلِّي حَبِّهْ تِنْكَبْ/ رْجالْ دِينْ وْعِلمَانيّينْ

– نادي، بَعْدُن عِنَّا كْتَارْ/ الْزرعُوا بْحَقْلَكْ أَصْفَى بْدارْوكِلْما شِرْقِتْ شَمْسْ نْهارْ/ راشِقْنَا بْطوبَاويّينْ

– نِحْنا هَوْنْ الأقْرَبْ لَيْكْ/ لا تْمَيِّلْ عَنَّا عِينَيْكْمِشِينَا وْجِينَا، الباقي عْلَيْكَ/ خَلِّي بْوابَكْ مَفْتُوحِينْ

 

لَيّا وْليّا

* لَيّا وْلَيّا يا بْنَيَّا / طِلْعِتْ نِجْمِهْ مِضْوِيَّا            بْطوباوي جْدِيدْ هِدْناني / تْهَنُّوا يا لِبْنَانِيَّا

– بَطْرَكْنَا مِنْ أَوِّلْتُو / العَدْرا لَيْها حَوِّلتُو             مْنَارَهْ إِلْنَا صَيِّرْتُو/ يا سَعْدْ المَارُونِيَّهْ

– عْيُونو ما عادْ يْشُوفُوا / لا الْكْتَابْ وْلا حْروفو     رَفَعْ لِلْعَدرا كْفُوفو / رَدِّتْلُو عْيُونِ مِجْلِيَّا

– الصَّخْرَهْ بْلَحظاتْ تْخَلِّي / وَقْعِتْ مِنْ راسْ التَّلِّهْوَقَّفْها وْقَلَّا حِلِّي / قَنُّوبينْ كِرسِي لِيَّا

– شِفِي المَرضى بْإِيمَانو / سَيِّدْ عَصْرُو وْزَمَانُو     كانِ يْحَمِّلْ أَحْزانو / لِلْعِزِّهْ الإِلَهِيَّهْ

– مارْ إِسِطفانْ بَطْرَكْنا / يْقَدِّسْنا وِيبارِكْنَا           مْحِبُّ وْمَا رَحْ يِتْرِكْنا/ تِسْتَعْبِدْنا الْخَطِيِّهْ

الدلعونا

* عَلَى دَلعُونَا وْعَلَى دَلعُونَا                              مَقْلَعْ قَداسِهْ يا مارْ مارُونا

– دَرْبِ القَداسِهْ مِشْيُوها رِفْقَهْ                             شربل، نعمة أللهْ، إسطفانْ وْرَفْقا

لْمَجْدَكْ يا أَللَّهْ وَسِّعْ هَالحَلْقَهْ                              وْثَبِّتِ زْوايا كْنِيسِتْنَاوْصُونا

– بْمَارْ إِسِطْفَانْ الدُويهي بَطْرَكْنا                          بارِكْ يا رَبّْ الأَرْزِهْ وْبارِكْنا

الْمَا مْنِقْبَلْ حَدا فِيها يْشارِكْنا                              تَتْضَّلّْ النِّعْمِهْ فِيها وْبِغْصُونا

– عاشْ بْفَضِيلِهْ تْمَيَّزْ بِالعِفِّهْ      كَأَنُّو عارِفْ وَيْنْ بَدُّو يْصَفِّي

يَسُوعْ اخْتَارُو، تَ يْدِيرْ الدَّفِّهْ                             وَصَّلْنا وْقَالْ شْلُمُا لْكُولخُونا

– لِـأَنُّو كانْ الأَعْرَفْ وِالأَدرَى                 بْنِيِّةْ حِسَّادو الْمِتْلُنْ مِنْحِدْرَهْ

تْحَامَى بِالقِدْرَهْ اتَّكَلْ عَالعَدْرا                              وْقَالْ لْحِسَّادُو مَا بِتْهِمُّونا