Beirut weather 23.71 ° C
تاريخ النشر July 15, 2016 09:15
A A A
ماذا قال مذيع الـ “MTV” بعدما كاد ان يصاب في اعتداء نيس؟

1280x960 (4)

أعلن مقدّم البرامج في قناة “ام تي في”، ومقدّم فقرة Connected جيري غزال، من خلال رسالة نشرها عبر صفحته على “فيسبوك” خبر نجاته من عملية الدهس الارهابية التي وقعت ليل الخميس في نيس، والتي أدت إلى مقتل 84 شخصًا.
وجاء في الرسالة التي نشرها:
“صرلي كل الليل برجع بسمع صوت الطلقات، صوت صريخ الناس، صوت خيي عم بيصرّخ ت اركض واتخبّا، صوتي عم عيّط للعدرا، صرلي كل الليل برجع بشم ريحة الارض اللي كنّا نايمين عليها، ريحة الناس اللي كانو نايمين حدنا ت ما ينصابو، صرلو المشهد كل الليل بِعيد براسي، تفاصيل مرعبة، تعابير وجوه مرعوبة، بلحظة كان فيي اخسر كل شي متل ما اكتر من 80 شخص من يللي كانو حدّي خسرو وخسّرو. بتفكرو هيك اشيا ما بتصير الّا عالأخبار وبالأفلام، بس لمّا تلاقو حالكن عم تتخبّو ت ما حدا يقوّصكن، ت ما تموتو، بتستوعبو هالعالم قدّيش في يكون بشع اوقات، وقديش في يكون مجرم وظالم. صرلي كل الليل بسأل حالي ليش، ليش انا، ليش هنّي، ليش جيت من بلد معقول يقتلني، لبلد لولا القدرة الالهية، كان قتلني وصيّرني جتّة عالارض مغطيينا بشرشف ابيض، وخلص كل شي. صرلي كل الليل بتخايل الاحتمالات اللي ما صارت، صرلي كل الليل بعيد دقيقة كنّا ناطرين اذا رح نعيش بعدا ولّا لاء وما كانت تعرف تخلص. الحياة شو رخيصة، بتقضّيا عم تحلم وتعمّر، ت بلحظة كلّو ينهار قدّام عيونك بموتة ولا ارخص. يا رب في ناس بريئة كانت رايحة تفرح مع ناس بتحبّن، متل ما انا رحت، سمعتن عم بيصَرخو يا قبل ما يموتو، يا حتّى ما يموتو. شو هالعالم يا الله؟ كيف تاركو هيك؟ انا انكتبلي عمر جديد، وراح قدّام عيوني اعمار كتيرة، ما لازم شك بحكمتك يا رب، ما لازم اسأل ليش، بس اليوم بالذات ما عبالي غير انني افهم”.